Kokek Sii Hmang In Haa Fak Mi Damter Ning

Haa fah hi mino, upa, muidawh le muicia zong hrial a hmang lo mi a si, ha a ngei mi poh nih cun kan hrial awk a tha bak lo mi asi. Cun zawtnak dang bantuk in sizung ah i piah awk zong a tha huaha lo mi asi. Tuhlan ah “ha kua” mi le “ha fah” a ngei mi caah cun thawng tha taktak a si.

Si le phaisa zei hmanh hau loin dam khawhnak kokek si tha taktak a um,cu kokek si cu Lai ram in hlah maw a chuah ti awk in lai tlang ah a tam taktak mi a si, nan mah in pawng theng a um lo hmanh ah na theih mi chung in a ngei mi an um hrimhrim lai, an um lo sual ah cun kei mah rak ka chon colh . A tuah ning a tang lei ah

Hmangalaa hnah a no tuk lo mi hnah 10 in na ttawh lai. Um te chung ah na chiah lai i, ti tam tuk lo hraikhat hrawng te na ttheh piak lai. A hnah a hmin tiang na sumh lai. A ti kha hrai chung te ah na deih lai i a lum pah nawn sa tuk lo, kik fawn lo te in sau pah na hmuam lai i na chak tthan lai.

Theih awk: Ka ha fak rih lo tiah dai thlang in um hlah, a fah sual i tuah awk tha in nan inn pawng ah hmangkalaa rak cing chung ve tiah kan sawm hna. Zeithil poh hi a hlan kanh tein timhtuahnak kan ngeih hmasa a herh. A hun herh hnu lawngah kan hlam ahcun hmuh an har tawn. Rf..Health & Beauty