Kokang Ralkap (MNDAA) Nih Ralhrang Tampi An Thah Than Hna

Shan ram kulh chungah hmun a khuarmi Kokang ralkap (MNDAA) le kawl ralkap cu Moe-Ku pengah fak ngaingai in tuni an i kap than i MNDAA nih kawl ralkhrang a tlawm bik minung 8 an thah khawh hna i, an hriamnam cheukhat zong an chuh khawh hna tiah theih a si.

Sep 1 zinglei suimilam 9 hrawnghrang ah khan Moe-koe peng ah um hmun a khuarmi kawl ralkap pawl cu MNDAA nih an va kah hna i a tu bantukin minung 8 an thah hna i, an hriamnam zong an chuh hna nak hi  asi.  Anmah MND-AA lei zong in minung 3 hliamhma an pu ve.

Tulio hrawng an i kahdohnak ahcun kawl ralkap nih an rak chuhmi hna tlang pakhat MNDAA nih an chuh khawh than hna. Asinain, cu kaa tlang tei ahcun a dang ralkap zong an um len rih, anmah kawl ralkap lei nih an kan kah a si ahcun dohnak a fak kho than tiah MNDAA lei nih an chim.

Kawl ralkap cu MNDAA kahdohnak ruangah tuhrawng cu a tomtom in an thi cuahmah. Nizan tihni ah khan KIA he i bawm in an doh hna i ralkap 100 leng an thah hna, nizan ah anmah lawng in an doh than hna i 10 hrawng an thah than hna tuni ah minung 8 an thah than hna.

Ref: Khit Thit Media