Ko Min Thukha Cu Kum 10 Thongthlak Dingin Ralkap Nih Bia An Chah Piak

Dagon University ah a rak kaimi Ko Min Thukha hi kawl ralkap nih a luancia June 5 lio ah khan a inn ah an rak tleih i an rak hren. Thla 3 leng a roh hnu ah a tu bantukin North Okkalapa township biaceih zung nih kum 10 thongthlak dingah a bia an ceih piak hi  asi.

KO Min Thukha an tleihnak a ruang le kum 10 tiangtiang thong an thlaknak a ruang hi a tutiang theih a si lo. Asi nain, a chungkhat le a hawi le nih an zumhnak ah Ralkap-thangchiatnak (defamatory) ruangah a si kho men tiah zumh  asi.

Ko Minthukha cu Dagon University ah Mathematic major in a kum 3 nak a kai lio a si I, amah hi mifim tuk a si ve caah, a sianginn kai pi hawi hna lak ah hruaitu a tuan I, an rak tleih lio ah hin Dagon Uniersity Student’s Union ah President a rak tuan lio  asi.

Thong a tlak hnu in a chungkhar pawl nih an tong kho lo I, chawnh biak zong an onh hna lo, tutan I kum 10 chung thong an thlaknak kong zong cu amah nih a nu le sinah phone a rak chawnh hna I kum 10 thong an ka thlak cang lai tiah a rak chimh hna.

Ref: Mizzima