KNU Nih An Tleih Mi Hna Ralhrang Cu Thlah Ding In An Nawl Hna

Karen ramkulh KNU Brigade 6 hmunhma chung, Laykaykaw ah Dec 30 ah KNU ralkap KNLA nih an tlaihmi ralhrang 7 hna cu kan thlah piak ṭhan u tiah nawlnak an tuah. Hi kong hi PDF upa hna sin in theihmi a si. PDF ṭuanvongeitu pakhat nih “Ralhrangbu lei nih an chim ningah cun ti-rawl a pechantu an si,

Kahdohnak ah an i tel lo. Chungkhar citmi mawṭaw in misawhsawh bantukin an um. Lam an i palh caah tlaih an tong ti a si. Asinain mawṭaw chungah hriamnam tling tein an i ken i kuan khamnak angki zong an i hruk dih, ralhmai kalnak thilthuam he kan tlaihmi hna a si. Ti-rawl pechantu an si hrimhrim lo” tiah a chim.

Ralhrang 7 hna thlah ṭhan dingin ralhrangbu nih NCA ah min a thu mi tlangcung hriamtlaibu hna sin in KNU Central upa hna sinah nawlnak an tuahmi a si tiah theih a si. Dec 16 ah khan KNU nih ralhrang 6 le ralhrang kuttang ramri hngak BGF 2 an rak tlaih hna i tutan an tlaihmi hna he cun 15 an si cang.

KNU nih ralhrang an tlaihmi hna cu ṭha tein kan zohkhenh hna tiah an thanh. Ralhrang 7 thlah ṭhan dingin nawlnak kongah KNU lei nih zeihmanh lehnak an tuah rih lo. The Chin Post. Kawl ralkap zia hi fih an nung. Ka mipi an tleih mi hna vial cu an nung bu hna in mei in an khang hna.