KNU/KNLA Nih Ralhrang 20 Leng An Hliamhna, A Thimi Zong An Um Len

KNU tei ah a cawlcangmi KNLA tatmaha-3 le kawl ralkap cu September thla 20 ah khan an i kap i kawl ralkap lei kha minung 20 reng lo hma fak an tuartiah theih a si. Tutan an i kahnak hmun cu Kyauk-Kyi myone KNLA tatmaha-3  hmunhma ah a si i nikhat ah vpoihnih an i kap i cu ahcun kawl ralkap 20 leng an hliam hna nak hi a si.

Thil a can ning cu hitihin asi. Kyauk-Kyi myone ah hmun a khuarmi kawl ralkap pawl cu Moe-Te khua lei ah zinglei suimilam 5 hrawnghrang ah khan an kal i cu lio ahcun lampi ah KNLA ralkap hna nih an rak kah hna hi a si. Cun zanlei sang suimilam 12 hrawngah Saw-Mee khua pawngah a thar in an i kap than. Cu ahcun ralkap 20 leng an hliam hna.

Kyauk-Kyi myone, KNLA tatyin-9 umnak hmun Than-Bu le Moe-Te khua kar lampi cu khuami pawl nih an duh na loin kawl ralkap nih an on than caah KNLA he pehtlai in an i kap peng ti a si. Hi hnu hmailei zongah cu kaa hrawng hmunhma in kawl ralkap an chuah lo ahcun kahdohnak hi a thar in a chuak than peng kho men tiah zumh a si.

Atuhi Karen mipi raldohnak ruangah a zaam i, KNLA tat-yin -3 hmunhma a simi Nyaing-lay khua hrawngah a aa dormi hi minung 5000 leng an phan cang ti a si. Biatak tein kahdohnak aa pehtlaih a si ahcun karen mipi cu an inn le lo chuah taak in a zammi hi an tam hringhran te lai tiah zumh a si.