KIA Tu Ngam Loin A Zammi Ralkapm Minung Nih Lo A Kalmi Pitar An TLaihrem

KIA Tu Ngam Loin A Zammi Ralkapm Minung Nih Lo A Kalmi Pitar An TLaihrem. Kachin ramkulh Moe Mauk myone Nwe Lan khua ah pitar nu kum 51 cu ralkap nih an duhna loin an tlaihrem i an thah beh tiah theih a si. Hipitar nu hi lo ah a kalmi asi. Amah lawng in a kal a si lai hi. Hihi July14 zinglei suimilam 10 ah a cnagmi a si. Hi ralkap hi KIA akap ngam ve lomi a zam mi an si.Aruak an hmuh hi zinglei suimilam 10 ah a si.

Atuak an lakmi ah aitel vemi pakhat nih a chimmi cu an tlaihrem ti a fiang tuk a ti. A cawnlchihnak hna le a ka kha a au sual lai tiah a puan an hup an sehter a ti. Cu tia duh naloin an tlaihrem i an thah, nam in a sawh i an zam diam ti a si.Asinain hiralkap 3 cu an tlaih khawh hna. Ralkap lila nih an tlaih kho hna tiah theih a si. Ralkap pakhat nih a chimmi cu KIA ah kal ahcun thih a si ko.

Ka va thi lai ti he khin aa khat e a ti. Curuagah ralkap lakah hin nawlngaihnakin a ka ko nain ral hmun in  azammi an tam tuk ti asi.Hi hna zong hi KIA tu ngam loin a zmami ral hmun in a zma mi h na an si. A dang relchap. SAC nih minung 165 an thi tiah report a chuah nain miruak a phortu zatlang bu pawl nih cun nihin ah a thimi minung 600 leng an si lai tiah an chim.

The Chin Journal| July 15, Yangon. COVID-19 zawtnak nih fak tuk in a denmi Yangon ah nihin (July 15) ni khat chung lawng ah minung 600 leng an nunnnak a liam, tiah mibawmtu zatlang bu nih an tuaktaan. Yangon khua chung thlah mun pali ah ruak ruak vui ding a tam tuk i zaan tiangpi minung an i tlar hna. Mithi ruak a tam tuk ca   ah mei in khangh ti loin a bu in hmun khat ah phun tti a si lai timi thawngpang zong a leng ve.

Yangon ah a thimi pawl hi Yewai thlanhmun, Hteinpin thlanhmun (Hlaing Thayar), Kyisuh thlanhmun (South Dangon) le Kyuchawng thlanhmun (Shwe Pyi Tha) ah an vui hna. Mibawmtu pakhat nih, “Kannih hi ni khat ah ruak 50 lawng kan phor. Nihin cu Hteinpin thlanhmun ah ruak kan vung chia. Ahlan bantuk in a leng ah ruak chiah an duh ti lo. Kan phak lecangka in khanghnak hmun ah lanhpi a si.

Cun, khanghnak hmun zong ah cun hngah a hau rih ve. Ralkap lei nih a bu in vui ding in an timhtuah tiah ka theih. Zaan ah cuticun an vui te men hna lai,” tiah a chim. Nitin in mithi an karh i ruak vui ding in a rak phanmi a tam tuk caah an i phazo ti lo. Cucaah, a bu in phum ding zong in an timhtuah hi a si. Atu cu mei in zong khangh cawk a si ti lo. An ti kho ti lo.

Cucaah, zaan ah a bu in phum an timh hna ti kan theih. Abiana ah, mahle in le sang chung ah a thimi cu mah tein vui a si lai i, sizung le Q Center pawl i a thimi cu ngandamnak lei zung nih a herh ning an tawlrel lai,” tiah mibawmtu pakhat nih a chim ve. Nihin  COVID-19 in a thimi minung 165 an si tiah SAC nih thawng an thanh nain miruak cawithlir bawmhnak apetu mibawmtu bu pawl nih cun athimi minung 600 leng an si lai, tiah an chim.

“Kannih ni khat ah miruak 50 lawng kan cohlan. Asinain, phone atu le atu a ra. Cun, a dang mibawmtu zatlang bu pawl nih an ratpimi kan hmuhmi pawl he tuak ahcun a thimi minung 600 leng an si lai. Dikthlir tak in tuak ah cun minung 600 leng, 700 in 800 hmanh an si lai. Chim duhmi cu mah nakhin a thimi an tam deuh kho tinak a si,” tiah a cunglei mibawmtu pa nih a chim chap.