Kepi tin Tit Chungah Alut Pengmi Fawi Tein Tuah Ning
Ketin tit chungah a lut timi hi nu deuh an si. Nungak/nutung cheukhat cu kepi tin ruangah fahnak an ing hna, acheu cu operation hna an I tuah. Operation tuah hau loin fawi tein damh khawhnak lam a um ko. Cu cu a fawi taktak mi, hmundang kaadang ah damh chom hau lo, rawlchumhnak coka ah a ummi te asi. Cu cu Cite asi. Zeitindah kepi tin tit chungah a lutmi cu cite hmang in kan thlopbul lai ti ahcun, Cite kha na lak lai I, ketin zawn ah na chiah lai. Cu cu tidor tlawmpal tete in na tlakter lai.
Na kutdong kha ti chungah na hnimh lai I, mah a dor te cu cite umnak zawn ah pel tete in na tlak ter lai. Tidor cu tam in na tlakter lai lo, zeicatiah cite kha achoi dih sual lai. Cuticun nikhat ah voi 5 hrawng in nithum chung na tuah lai. Nithum na tuah hnu ahcun na ketin tit chung ah a luhnak zawnte cu amah tein aa kau lai I, cu cu kuttin riamnak in tha tein na tuah kho cang. Pakhat hmanh a fak lai lo. Na kepi tin na tit chung aluh ruangah hnai akhuar kho, cu cu dih piak hau lo. Cite tuah ningcang kha tha tein na tuah piak ahcun a tha dih ko lai.Lalmuanawma Hauhulh OmOma Kha
Thih ding tiah nawl chuahmi le thongthlak ding a simi 209 an um tiah ISP nih a thanh- Myanmar ram ah hramhram in uknak lak a simi a dohtu le thongtlak ding in nawl chuah a simi 1,200 leng chungah a fak bik dantatnak a simi thihnak le nunchung thongtla ding in nawl chuah a simi 209 an um tiah Institute for Strategy and Policy (ISP-Myanmar) nih June 6 ah a thanh.
Minung 209 chungah Yangon ramṭhen in minung 202 an si i adang hi cu Irrawaddy ramṭhen in an si tiah cathanh chungah a telh. Cu chungah Yangon ramṭhen, chaklei Okkalapa peng ah thihnak dantat a simi 52 le nunchung thongthlak ding in nawl chuah a simi 12 an um caah Myanmar ram pumpi ah a tambik a si tiah cathanh chungah an telh chih.
A pahnihnak a tambik hi Hlaingtaya peng in an si i thihnak dantat a simi 17, nunchung thongtla ding 30 le thihnak he nunchung thongtlak ding he dantat a simi 3 an um tiah a chim. A fak bik dantatnak pek a simi 209 chungah tlaih a tong i thihnak le nunchung thongtlaknak dantat a simi 6, thihnak dantat a simi le tlaihding in nawl chuah a simi 117, tlaih hnu ah nunchung thongthlak a simi 86 an i tel tiah a langhter. Thihnak datat a simi chung in kum 18 tling lo pa 2 zong an i tel tiah a langhter.
Thihnak dantat a simi chung in 88 siahngakchia hlun U Kyaw Min Yu @ U Jimmy, NLD hluttaw palai hlun U Phyo Ze Ya Thaw, U Hla Myo Aung le U Aung Thu Ya Zaw hna cu hriawh in thahding tiah an fehtermi cu UN telh in American le France ram hna nih an cohlan lonak kong an langhter. The Chinland Post