Kayah State Kahdohnak Ah Mandalay Mino Hruaitu A Nunnak A Liam

KNDF chungtel pakhat asimi Mandalay youth leader Mr Sai Bhone Min That cu Kayah state, Demoso peng kahdoh nak ah a nunnak aliam tiah theih a si. Amah hi Mandalay i duhlonak langhter lio ah mino hruaitu a si i, kum 20 hrawng minung te a si tiah a hawipa pakhat nih media sinah a chim.

Mr Sai Bhone Min That cu ralkap nih uknak an lak hlan ahcun Mandalay Government Technical Institute ah siangin a rak kaimi a si. Ralkap nih uknak an hun lak tikah a lung fak tuk i mandalay mino pawl cu a hruai hna i duhlonak (protest) a rak tuah pi hna. A hnu ahcun a celh ti lo i Kayah state ah a kal i hriamtleih hram a rak i thok.

Tutan a thih ning cu hitihin a si. Kayah state Daw Poe Si khua ah KNDF, Karenni army le Demoso PDF i bawm in kawl ralkap minung 300 hrawng cu an kah hna, cu tikah kawl ralkap nih hriamnam ngan in an kah tuk hna caah hnu ah an tawn than. Cu lio ahcun Miakpi nih a khen i a nunnak a liam hi a si.

Atuhi a ruak zong an la kho rih lo i, cu kaa hmun ahcun an tlik tak ko rih. Mino te a si nain a kum rup loin hruaitu tha taktak a simi tutan ah kan hun sungh than hi mandalay mino caahcun sunghnak nganpi a si tiah a hawipa nih cun a chim. Nizan protest nak zongah a mah upat peknak ah a hmanthlak cu mipi nih an i put i an au len.

Red: Myanmar Now