Kawlmi Nih An Hngalh Lo Mi Thil Pakhat A Um,

Zumlotu hna le vawlei lei zohnak in cun a sifak cem cu kan hei si ko hnga,asinain kawlmi hna le zumlotu hna nih an ngalh lomi pakhat a um,cucu mirum kan sinak hi a si asullam cu a nungmi Pathian aa ngeihmi kan sinak ah a si, Rev.Billy Graham kha bia an rak hal bal ‘vawlei cungah mirum bik le vantha bik timi hna hi nang zeitin na hmuh ning’ tiah an hal a lehmi hna cu Bawi Jesuh khrih a nunnak. A ngeihmi hna hi mirum bik le mivantha bik.

An si tiah a rak ti bal. Laimi zong miphun dang le zumlotu hna hmuhnak le an zohnak ah sifak bik ram hei si hmanh u sihlaw an hmuh phak lomi ah mirum kan si, minung tahning le Pathian tahning le zohning aa dang, minung nih cun mitin hmuh khawhmi in kan tah lengmang i vawlei thil le ri, inn le lo kha zoh in mirum mithangcho. Ram thangcho tiah kan ti tawn hna. Cucu vawlei lei zohning le tahning a si, asinain Pathian nih cun chunglei.

Kha a zoh i amah a zumtu amah a nawl a ngaitu hna kha mirum a ti ve hna vawlei mit hmuh cun sifak hmanh usihlaw chunglei ah mirum kan si, miphun dang bantukin mit hmuh thil ah thangcho uahmah hmanh hlah usihlaw, kan phak tawkte kan si khawh tawkte ah kan i lawm ko.  Thantlang khua mino hna nih khua luhnak bo ah ca an rak tar i an tarmi cu. Kan sifak ko nain,kan i lawm ko’tiah an tar cucu chunglei rumnak timi cu a si.

Pathian pekmi rumnak. Miphun dang hna le zumlotuhna nih sifak bik ram,rethei bik ram,nauta bik ram kan ti ko hna hmanhseh nan thachia hlah uh, zeizong vialte ngeitu le zungzal nunnak angeitu Pathian aa ngeihmi kan sinak ahhin i lawm ko usih,cu Pathian nawl kan zulh i amah kan biak i hnu kan chit lo paoh ahcun ni khatkhat ah cu Pathian nihcun vawlei thilri taksa rumnak zong a kan hromh te ko lai ti hi asi.Ref; Josef