Kawl ralhrang bawi Cu Achungkhar  He CDF ah An Zam

CDF-Daai nih cathanh an chuah. Cathanh an chuah ningah cun  Rakhine lyine, Anmyo, No.2, Ta-Sa-Yah (2/300) batallion ah a ummi ralbawi Myint Ting cu Min Aung Hlaing le cunglei ralhrang ralbawi nawlpekmi cu a cohlang kho ti lo caah April 1, ah Chinland Defense Force-Saai ah a chungkhar he CDM tuah in an I pe. CDF-Daai nih Myint Ting le a chungkhar kong cu tha tein an ceih hnu ah CDM an tuahmi cu cohlang in ahimnak hmun ah kan chiah cang hna tiah cathanh ah an langhter.

Thawnpang Dang – Aliamcia March 20, ah khan Ukraine President Zelensky nih Ukraine khualipi conference ah video in biachimnak a ngei. Cu lio ah a chimmi pakhat cu Israel kong asi. Israel le Ukraine hi zeitluk in dah pehtlaihnak a ngeimi an si timi alanghter. Atimi cu, Ukraine le Israel tuanbia zoh tikah hri bantukin aa ngerhmi kan si. Cuti ka chim tikah Ukraine buainak kongah Israel mipi sinah lemsoinak le thironh kan duh hna caah asi lo. Tuanbia ah zeitluk in dah aa pehtlaimi kan rak sinak kha langhter ka duhmi asi.

Cu cu Ukraine le Jews tuanbia ah tha tein a ummi asi. Kan nih cu ram dangdang kan si bantuk in kan dirhmun le tonmi zong aa daang. Nain hrocernak kan ton ning le hloh timhmi kan sinak dirhmun belte cu aa khat tiah a chim. Zelensky hi Jewish miphun a si. Jewish miphun hi mi raltha, mi lungkhong taktak an si. Ukraine ah amah hi Jews miphun in President a tuan hmasabik asi.