Kareni Hriamtlai Nih Ralhrang 14 Leng An Thah Hna
August thla chung zerhkhat chungah Kareni hriamtlai KA le KNDF nih kayah ram kulh chungah kawl ralkap minung 14 leng an thah hna I, a dang tampi hma an hmuah hna. August thla 4 (Nithum ni) ah khan Demoso peng chungah a rak lutmi kawl ralkap 66th devision chungtel minung 120 hrawng cu lampi in KA+KNDF (Kareni Army) hna nih ambush an rak tuah hna I kawl ralkap lei minung 3 an thah khawh hna.
Kareni Ralkap lei tu cu a thimi an um lo lengah hliamhma a tuarmi zong pakhat hmanh an um lo tiah theih a si. Cu kaa hmun I an I kah tlawmpal ahcun kawl ralkap nih khua chungah hriamnam in an kah cutmat hna I khuami zeimazat cu ramlak ah an zaam hna. Tuzerh chung an I kahnak ah a faak bik in an I kahnak cu Hpruso peng I a ummi Htar Lal khua pawng I an I kahnak hi a si. Hpruso peng ah kawl ralkap cu motor 27 in an rak kai lio ah KA+KNDF nih an rak kah hna I ralkap motor 3 an khangh piak hna.
Cun, Kawl ralkap kha a hmun ah minung 11 an thi i a dang minung 20 hrawng zong hliamhma fak an tuar tiah theih a si. Cu an i kah hnu zongah cun kawl ralkap theo nih cun Nan Hpe khua ah an lut I mi sawhsawh cu heh tiah an tleih hna I an hrem hna ti asi. Kawl ralkap le Kareni hriamtlai phu hna cu Loikaw, Demoso, Hpruso le Bawlakhe peng ah an I kap hna I, kawl ralkap nih raltuknak vanlawng hna zong an hman caah khuami a zaammi hi minung 100,000 leng an sic ang tiah theih a si.
Ref: Irrawaddy News