Kan Lo Tawn Ko😂 SAC Ralhrang Nih (Taw-si)Keden Zuar An Khamh Nak Ca Cu

Point kedan zuar lo ding in SAC uico ralkap nih an kan kham an ti ti si.“Mah bantuk kedan (Point kedan) an laknak hi a sau cang. An kan zuarter duh lo. Hmasa ahcun kan rak zuar tawn ko. An kan zuarter lonak a sau ngai cang. Tu lio ramkhel buainak ruangah a si theu lai ka zumh” tiah kedan dawr ngeitu pakhat nih The 74 Media ah a chim.

Tu lio ramkhel buainak ruangah SAC ralkap council nih an khammi a si kho tiah min langhter a duh lomi pakhat nih The 74 Media ah a chim. “Abiapi cu khuate lei a ummi hna he pehtlaihnak an ngei lai timi an phang caah a si kho. Point kedan hi uico ralkap pawl hmangmi thilri phunkhat a si ve i, ralkap pakhat nih a ngeih lo awk a thalami kedan a si ve tikah an zuarter lonak a sau ngai cang ti ka theih.”

Voidang an zuar tawnnak dawr hmanh ah Point kedan a um ti lo. A zuarter duh lomi cu uico ralkap pawl an si ko” tiah a chim hi a si. Point kedan cu ralkap hmangmi thilri phunkhat a si nain lotho pawl, ram vaihmi pawl, sui kawl rian a tuanmi pawl, lunghring a kawlmi pawl le tlang a kaimi pawl hna zong nih an hmang ve tiah a cung mipa nih a chim chih.

Uico Ralkap council pawl nih Point kedan zuar lo ding in kedan dawr a ngei tu pawl cu zung ca (asiloah) a ka in an chimh hna tiah The 74 Media nih a hlat kho. Myitkyina khuapi ah hin atu tiang Point Kedan pakhat ah Ks. 5000 hrawng a si tiah theih a si. Kawlram mipi nih Point kedan tiah kan theih deuhmi uico ralkap kedan cu Chinese People’s Liberation Army nih 1965 kum ah an rak hmang hmasami PLA Liberation Shoe a si.

Ref: The 74 Media