Kan CHinram Ah Eidin Man A KAi Thluamah Cang Lai, Cu Caah

Kan Chinram chungah thil man hi a fak chin lengmang te lai. Hruk-ai, hnipuan nakin eidin man hi a fak deuh te lai. Chim duh mi cu eidin man hi a kai thluamah lai tinak asi. KAn Chinram chungah eidin kan lak nak hi, a bik cun kalay le Mondalay hi an si. Kalay ah fang kan cawk ton mi le chiti etc bantuk kan cawk ton mi khi, Kalay khuate, Siaghai peng chung  le Yaw hmunhma minung nih an tuah mi deuh an si. MAndalay zong, Kalay zong, Gangaw ah Chiti rialnak pawl khi kum dang nakin  a rak pe ton tu hi a let tam piin an zor.

kum dangah 100% an rak pek mi kha a tu ahcun 50% hman nih an pek ti lo. A ruang cu Sianghai le Yaw ram chungah lei an tuah kho ti lo caah, mipi nih kan i za kho bak ti lo. Kalay le Yaw karlak khuate pawl hna nih a tu khi fangtunkhat ah 19000 in an cawk, mah hi man fak deuh ah 10000 in an rak cawk ton mi a si.

Kan Chinram ah eidin a har deuh cang lai kan ti khawh. Cucaah khuate lei pawl nih cun lo tha tein kan tuah ding hi a biapi ngai ngai cang. PAthian kutcak thawnnakin CDF,CNA hna hmang in kan ram zeimawzat cu kan him. kan laitlang chungah a tha mi, chihmui,facang, eidin tampi in kan laitlangah a chuak kho ve nak hnga, kan ram chungchuak bak kha kan mipi zatawk tein kan ei khim khawh nak hnga hi a biapi bik a si. A tu tiang cu kan Chinram chuak eidin hi kan i za lo caah kawlrawn lei kan lak ton. Kawlrawn lei thil man a kai ah cun kai ve, a tum ahcun tum ve, mah hi kan Chinram dirhmun cu a si.