Kalaymyo Ralkap Chungkhar Vialte Cu Vanlawng In An Thiar Cuahmah Hna

Nihin Oct thla 11 zinglei suimilam 11 hrawngah khan Ralkap nih an ngeihmi vanlawng Shanxi Y8 hmang in Kalay -myo ah a ummi ralkap chung khar pawl cu an thiar cuahmah hna tiah theih a si. Khuami pakhat nih a chimmi cu van lawng a chuah caan cu a tihciah tein ka theih kho ve lo nain suimilam 11 hrawngah a si lai tiah media sinah a chim.

Zahan zaan suimilam 6 hrawng zong ah khan kalaymyo vanlawng tumnak ah vanlawng a rak tum i kan khuaruah a har ngai, tuhlan ahcun hi caan ahhin zei vanlawng hmang a tum bal lo, vanlawng cu suimilam cheu hrawng a um i cun a zuang colh than, zahan a rak tummi cu a mei ceu lawng in kan hmuh khawh i zeibantuk vanlawng phun a si kan thei lo tiah khuami a mit in a hmutu hna nihcun an chim.

Oct 8 lio ah kalw ralkap motor 40 le raltuknak tank pawl cu kalaymyo in Tidim lei ah an rak kai i cu motor pawl cu kalaymyo in lei ah an kir than i Oct 10 hrawngah khan Falam lei ah an rak kai. Cu motor pawl cu Chin ram ah a cawl cangmi PDF pawl doh dingah aa thawhmi an si i, a bik in CNA camp doh dingah an i thawh tiah theih an si. Asinain, a tuhi khua zei an phanh le an umnak zong theih an si ti lo.

Atulio cu kawl ralkap le CDF/CNA kar ah kahdohnak fak tuk in a chuah lio caan a si bantukin anmah ralkap lei zong an thin a phang i umtu zia an thiam ti lo curuang ahcun maw a si hnga, tutan ah Kalaymyo ralkap chungkhar vialte an rak laak hna hi a thusan ngai te. Kahdohnak fak piin kan tuah lai ti dah an i tinhmi a si hnga mu! zeihmanh theih a si rih lo.

Ref: Khit Thit Media