Israel Ralkap Nih Iron Dome Nak In A Tha Deuhmi Lasser Weapon An Ser Khawh Cang

Israel defense ministry nih nikum ah khan lasser based rocket khamnak kan se r cuahmah liopi a si tiah mipi theih in thawngthanhnak an rak tuah. Lasser based rocket khamnak hi a tulio I an hman cuahmahmi Iron dome bantukin an ral hna nih rocket in an rak kah hna tikah anmah sin a phanh hlan ah vancungah a rak kap khotu rocket khamnak system khi a si.

Atulio I an hman cuahmahmi Iron dome khi 2011 ah an rak sermi  asi I, nihin tiangah hmual ngei in an hman cuahmah rihmi  asi. An ral hna nih an rak kahmi missile 90% cu Israel ram chung a phanh hlan ah Iron dome nih hin a rak khuai khawh dih.

Iron dome nih a hmanmi rocket khi an man a fak bakmi an si I, pakhat te ah khin $100,000 in 150,000 hrawng an si. An man a fak ngaingai. Cu ruang ahcun Iron dome nak in a tha deuhmi rocket khamnak an ser cuahmah nak hi asi. 2021 thok hin cun hman hram an thok ve cang lai.

Lasser based weapon cu hriamnam ang bantukin zen le kuan le chemical pawl aa tel lomi a si lai I electric thazang in rian a tuanmi a si lai. Kha electric thazang nih khan an ral pawl vanlawng le rocket pawl cu a linhter lai I van ah a puah ter lai tinak khi a si.

Thawngpang zong a ngei lo I, mit zong in hmuh khawh a si lo tikah an ral pawl hna caah tih  anun khunnak cu a si. Iron dome rocket pakhat ah USD $100,000 leng a dih lio ah Lasser based in cun $3.50 lawng a sih cang lai ti a si. Cun Iron dome nak in a let in a rang deuh lai.

Crd: Thaceulian Youtube Channel