Israel Nih Nuclear Bomb An Ngei Cang Maw?

Israel nih 1957 ah Franch bawmhnak in necab nuclear research center cu a thli tein sak an rak domh. Cu an nuclear research center cu a hnu ah US nih a hun hmuh tikah Israel nih nuclear sernak a si lo, mekani plant a si tiah an rak ti hna. Asinain, a hnu ahcun nuclear reactor a si kha theih a rak si than.

Nuclear sernak caah a herhmi material pawl hi franch nih a ral supply tawn nain 6 days war hnu in French nih a rak supply duh ti hna lo ti  asi. Asinain, Israel nih nuclear sernak material cu Argentina le Africa in an rak cawkw khawh thiamthiam.

Israel nih nuclear an sernak kong biathli a rak phuang hmasabik tu cu Mordekai Nunu a rak si. An nih hi Necab research center ah technician in can saupi a rak tuanmi  asi. 1985 ah Israel nuclear sernak hmun cu mipi sinah a rak phozar ti a si.

Culio ahcun Israel nih nuclear bom 200 sernak caah a za dingmi material an rak ngeih cang ti a si. 1960 kum ahcun French he nuclear bom testnak zong an ngei ti tiah an rak zumh hna. Nihin tiangah Israel nih nuclear bom an ngeih le ngeih lo fiangfai tein theih khawh a si lo.

Israel nih nihin tiangah Necab nuclear research center cu tha taktak in an kilven I a pawng I a zuangmi vanlawng poh cu an kahthlak zungzal ti  asi. 6 days war lio ah khan Ezip vanlawng MIG-29 cu a cung in aa zuan sual in direct in an rak kah thlak colh.

Israel nuclear an ngeihmi kong cu fiang tein theih si hlah hmanhsehlaw, mitam deuh nih an zumhnak ahcun, Israel nih nuclear bom hi 70 in 200 kar hi cu an ngeih hrimhrim lai tiah zumh a si. Sihmanhsehlaw, nuclear an ngeihmi kong cu media nih an hal tikah zeitikhmanh ah confirm an =tuah dih bal lo I a el zong an el duh bal fawn lo ti  asi.