Falam In A Rak Kai Mi Uico Pawl Cu Rih lampial Pawngah An Riak, Nihin March Ni 22 Ah Hakha

Falam khualipi in Hakha lei ah a kal mi ralhrang rual hna cu a tu hi hmailei norchinnak caah an i har ko cang. March ni 21 ah Falam cun an rak i thawh, Ralhrang rual Rih lampial an phan ah kan ralkap hna nih bomh in an rak phomh hna caah ralhrang minung 3 an thi tiin Zalen News nih a langter.

Ralhrang rual hna hi Kalaymyo in March ni 9 ahkhan an rak kai nain a tu march ni 22 tiangah Hakha an phan kho rih lo. March ni 21 zaan kha Rih lampial pawng, falam in meng 4 ai hlat nak ah ralhrang rual cu an riak beh. ralhrang rual hna hi hmailei nor nak caah an i har tuk ruangah lam tantim ah an riak hi a si.

Nihin March ni 22 hi ralhrang rual hna cu zeitindah an program a si ti cu kan theih lo nain, ralhrang nawlchuah mi nih Hakha ah kal uh tiin an ti hna ahcun an kal thiam thiam ko lai caah nihin hi hakha lei an lan men lai tiin zumh a si. Hakha le falam karlakah khua mipi vialte cu hmunhimnak ah an zam cang ti thawngpang kan theih