Evan Tial Lian Thang: Bible Ka Ral Lenmang I Ralkap An Sualnak Ka Hmu Lo

A luancia mi kum 2021 ahkhan Ralhrang nih kawlram uknak pi cu NDL kutchungin hriamnam hmangin an rak lak. Mah ahkhan kan Lai mi chungin Pathian mi hman kan ti mi Evan Tial Lian Thang nih cun Min Aung Hlaing le a riantuan ti hawi hna kong a rak chim. A Chim mi cu kawl ralkap nih hin mipi cungah harnak zeihman ah kan pek mi ka hmuh rih lo tiin a rak ti. Bible bia aa lak ve i na ral vadaw tiin Bible nih ah kan cawnpiak caah kan ral a si mi ralkap, Min Aung Hliang phu hna hi kan dawt hna awk a si ti leikam kha a kal pi.

LAimi nih kan thlacamnak cu kawl ralkap huatnak lawng te a si caah kan thlacamnak cu Pathian sin a phan lai lo tiin a ti rih. Ralkap nih uknak an lak tham cu, anmah nih kawlram pumpi hi sersiam an duh ve caah asi, Power ngei an duh ve caah a si, Kanmah mipi hi kawl ralkap nih harnak ah kan pek mi ka hmu rih lo tiin a chim.

Ralhrang nih uknak an lak hnu in kum2 cu a tling cang. Kum 2 chungah Chin ram mino, ralhrang nih minung pazeizat remruam dah an tlai cang hna pin ah, Kan mino hna tampi an nunnak a dong cang ti hi mipi nih kan theih dih cang mi a si. Cu lawng si hlah, Thantlang khualipi an hrawh mi khi, phaisa zeitluk man remruam dah a si cang.

Ralhrang nih harnak ah kan pek ruangah Chinram minung zeitluk indah ralzam kan tam chin ti hi mipi nih kan theih dih cang.A tu kan ram boruak ah ralhrang hna nih kan chinram chung an hrawh mi pawl hna hi phaisa man tuak cawk lo a si cang. MAh bantuk in ralhrang riantuannak hi, kawl ralkap, Min Aung Hliang phu nih harnak ah kan pek lo kan ti kho maw,