Dr.Sasa: Kanu, Ka Mitthli Tlak A Ka Hromhpi Zungzaltu KAN DAWTTUK MU

Dr.Sasa nih a umnak hmun in hringtu anu cu HAPPY MOTHER’S DAY atuah. Dr.Sasa nih achimmi cu, Ka dawttuk mi Ka nu, kum caan saupi a aihram i fahnak a tuar cangmi kan miphun le ram caah ka mitthli tlak aa ka hromhpitu na cungah kaa lawm tuk tiah ati.

Chelsea Bawi- 𝐑𝐮𝐬𝐬𝐢𝐚 𝐧𝐢𝐡 𝐍𝐮𝐜𝐥𝐞𝐚𝐫 𝐚 𝐇𝐦𝐚𝐢 𝐥𝐚𝐢 𝐦𝐚𝐰?- Ukraine a luhnawh ka tein khan, hna a ka hnawhtu paoh cu nuclear in kan kah hna lai, tiin Putin ai hrocer cang. A si khawhnak a ruang a tanglei ah langhter an si: Putin nih nuclear a hman taktak khawh mi a si, tiah Western diplomats le a dang mifim tampi nih zumhnak an ngei cang.

𝐔𝐤𝐫𝐚𝐢𝐧𝐞 𝐫𝐚𝐥 𝐡𝐞 𝐩𝐞𝐡𝐭𝐥𝐚𝐢𝐢𝐧 𝐑𝐮𝐬𝐬𝐢𝐚 𝐧𝐢𝐡 𝐚 𝐧𝐮𝐜𝐥𝐞𝐚𝐫 𝐤𝐨𝐧𝐠 𝐚 𝐜𝐡𝐢𝐦𝐦𝐢 𝐡𝐢 𝐳𝐞𝐢 𝐤𝐨 𝐝𝐚𝐡 𝐚 𝐬𝐢? Ukraine kongah Western ram pawl nan i thlak a si ah cun nuclear ka hman lai, tiah Feb. 24 i Ukraine a luhhnawh ka tein khan Putin ai hrocer cang.
“Kan lam ah a dirmi, asiloah kan ram le mipi chiatchuah a timtu paoh cu mizei nan si ah, Russia nih lehrulhnak kan in tuah colh hna lai i, nan tuanbia chungah nan ton bal lo mi harnak nan tong lai,” tiin Putin nih a chim.

Ni thum a rauh ah khin Russia nuclear ralkap pawl ralring tein um dingin nawl a chuah i, NATO hruaitu le Western ram nih Moscow cung i phihkharnak an tuahmi cu fak ngaiin a leh hna. Moscow nih a nuclear pakhat hman lai hi ai ruat ngai ko nain, hi tining a si ko ah cun nuclear kan hman khawh te mi a si, tiah Russian Foreign minister Sergie Lavrov nih a chim.

“Cu bantuk i sul vun nam taitai cu ka duh ruam ve lo. Mi tampi zong keimah bang an si ve ko lai. Tih a nung ngaignai ding khi a si. Cucaah nuclear hman timh kong hi zei sawpa ah rello in um ding kan si lo” tiin kan hnung zarh ah a chim. Cu a biachimmi cu tuanvo lak lo bia a si, tiin US State Department nih an ti piak caah a thin a hung ngaingai.

Russia nuclear ralkap pawl ralringtein an um cang, timi kongah Washington nih theihmi a ngei theng rih lo. Asinain, Ukraine kongah Putin a lungre a theih, asiloah NATO hna ral ah an i peih ve a si ah cun, nuclear hi a hman taktak kho mi zong a si caah, zeirello in cun um lo ah a tha, tiin mifim le Western officials nih ralrinpeknak bia an chim.

𝗣𝘂𝘁𝗶𝗻 𝗮𝗶 𝗵𝗿𝗼𝗰𝗲𝗿𝗻𝗮𝗸 𝗸𝗼𝗻𝗴𝗮𝗵 𝗪𝗲𝘀𝘁𝗲𝗿𝗻 𝗽𝗮𝘄𝗹 𝘇𝗲𝗶𝗱𝗮𝗵 𝗮𝗻 𝗰𝗵𝗶𝗺?Kan nuclear ralkap timhcia in an um cang, tiin Putin nih a chimmi hi thil tihnung le cohlan khawh ding biaka a si lo, tiah US officials nih an cohlan hngap ve. NATO secretary general Jens zong nih Putin bia cu sual le tuanvo lak nun ngeih lo bia ah a chiah.

Russia ralkap pawl nuclear a hmang ding hmuisam an hmuh lo nak kong US officails nih an langhter i, cucaah anmah US nuclear dirhmun zong vun mersan len hau lo in an chim. Russia he nuclear ral i tuk kongkau ah nan lungre thei hlah u, tiin Feb. 28 ah khan Biden nih American mipi a chimh hna. Nuclear ral hi a tho taktak ko cang ne lai maw, tiin bia an hal i, “Tho hlah” tiin Biden nih a leh hna.

𝙍𝙪𝙨𝙨𝙞𝙖 𝙣𝙞𝙝 𝙣𝙪𝙘𝙡𝙚𝙖𝙧 𝙖 𝙝𝙢𝙖𝙣𝙣𝙖𝙠 𝙙𝙞𝙣𝙜 𝙖 𝙡𝙖𝙢 𝙯𝙚𝙞𝙙𝙖𝙝 𝙖𝙣 𝙨𝙞?- Russia nih nuclear a hmannak ding a lam hi a tlawm ngaingai, tiah US experts le Western officials pawl nih an chimmi cu Biden nih vun i char sehlaw a dawh. “1945 hnu in khan, nuclear ai ngeihmi ram hruaitu paoh nih nuclear hman an duh ti lonak a ruang tha te an ngei cio hna,” tiah Foreign Affiars magazine ah editor a sib al mi Gideon Rose nih a chim.

Putin zong cu bang a si ve ko lai, a lung a no caah si lo in, a lu a hah (khon) caah a si. Tha lo in vawlei pi nih ka cungah lehrulhnak an ka tuah colh ve lai. Fawizangtein vun dironh awk a thalo mi thazaang he an ka lehrulh lai, ai theih kherkhuar ve ko, tiah a chim.

Russia nih nuclear ka hman lai, tiin ai hrocernak a ruangbik cu US le NATO hi tutan ral ah direct in an i tel ve sual lai, ti a phan caah a si, tiah mifim le Western palai nih an chim. “A biachimmi hi lak awk an tak lo. Western pawl a thihphaih hna bia a si,” tiin Western palai pakhat nih a chim.

𝙕𝙚𝙞𝙩𝙞 𝙥𝙪𝙣𝙜𝙨𝙖𝙣 𝙞𝙣 𝙙𝙖𝙝 𝙍𝙪𝙨𝙨𝙞𝙖 𝙣𝙞𝙝 𝙣𝙪𝙘𝙡𝙚𝙖𝙧 𝙖 𝙝𝙢𝙖𝙣 𝙩𝙚 𝙝𝙣𝙜𝙖?-Western ram pawl Ukraine sinah hriamnaam an kuat. American ralkap Ukraine i kuatnak kongkau cu ceih a si rih lo, tiah Biden nih nikum ah khan a chim. Direct in Russia he ral i tuk i nuclear ralpi thawhter dingin hi US le a ramdanghawi nih an duh lem lo.

Russia nih nuclear a hman ah cun, Black Sea asiloah Ukraine ram chung minung umlo nak hmun i a puah hmanh ah, Ukraine ralkap sakhaan asiloah a khualipi tiangin hnursuan khawhnak thazaang ai ngeih, tiah expert pawl nih an chim. Asinain, nuclear in Ukraine a kah a si ah cun, Ukraine ah ral a tu mi Russia ralkap lila caah tihnung a si in anmah Russia ram tiangin a radioactive nih a vun hnuarsuang kho ve mi a si.

𝐇𝐞 𝐡𝐦𝐚𝐧𝐠 𝐬𝐮𝐚𝐥 𝐬𝐞𝐡𝐥𝐚𝐰, 𝐖𝐞𝐬𝐭𝐞𝐫𝐧 𝐧𝐢𝐡 𝐳𝐞𝐢𝐭𝐢𝐧 𝐝𝐚𝐡 𝐥𝐞𝐡𝐫𝐮𝐥𝐡𝐧𝐚𝐤 𝐚 𝐭𝐮𝐚𝐡 𝐡𝐧𝐠𝐚? -US nih nuclear hriamnaam i lehrulhnak a tuah sual ah cun, a ramdanghawi le hi a hnursuan sual khawh mi hna a si pinah, Europe asiloah US ram tiangin tuksapur thil a tlunter khawhmi a si caah, nuclear hriamnaam he lehrulhnak tuah lo in, a ramdanghawi le tiin Russia hi a doh lawlaw te hnga, tiah a cheukhat mifim nih an chim.

“Russia hi a bingtein umter lawlaw dingin a dang hriamnaam le ramkhel le ram aiawh palai hmangin le nuclear hriamnaam i hman cio a haumi ralpi chuahter lo te in hi ral hi donghter dingin US le NATO nih lehrulhnak an tuah te hnga, tiah keinih cun ka zumh,” tiah Arms Control Association i Daryl Kimball nih a chim. Russia nih Nuclear a hman ah cun vawleicung nuclear dirhmun hi ai thlennawng te lai maw?

Hmailei ah cun Russia rockets pawl tla lak in kahpiak dingah NATO nih Poland le Romania ah a tunhmi US ser a ballistic missile pawl hi a tharchuah than hna a hau te lai. A tutiang i an missile tunh ning design hi cu Iran, Syria le Middle East i mi puarthau pawl an ral vennak ding ca lawngah a si.

Russia nih nuclear a hman ruangah a dang nuclear ai ngeihmi ram India le Pakistan hna nih an nuclear an hman lai le hman lai lo theih khawh a si lo. Asinain, Russia nih nuclear a hman (sual ah) mi cu vawlei pi nih sual a phawt a si ah cun, a dang nih nuclear an vun hman ve ding a lam a tlawmdeuh suaumau ko hnga, tiah experts nih an chim.