Doctor Chuahtaak In Model ah a Cangmi Nang Mwe San Nih Thlakhat ah a Hmuhmi a Hei Tam Khawh Ning

Muidawh tungtai rem Doctor Nang Mwe san cu a hngakchiat tein model lei a uar ngaimi a si. Asinain, a nu le pa nih Doctor siter an duh caah a nu le pa duhnak cu tlinter aa zuam I a duhmi model cu tuan loin Doctor lei tu cu a cawng I degree zong tha tein a la.

Asinain, a hngakchiat lio tein a uar tukmi model cu a hlaw kho dih lo I, a can ah a facebook le Instagram ah a hot ngaimi a hmanthlak cu a post pah lengmang. Cu tikah kawlram cozah nih kha bantuk hmanthlak cu post ti lo dingin warning an pek.

Sihmanhsehlaw, a ngaih hlei caah a doctor sinak certificate cu an chuh. A doctor sinak certificate an chuh hnu in Doctor a tuan khawh ti lo tikah fulltime in model a tuan. Cutikah fan tam taktak 2 millions dengmang a hun ngei colh.

Tlawmpal ah Onlyfan timi page aa ser I cu kaa ahcun zoh dawh lo deuh hmanthlak tete a hun post hna I, cu kaa luhnak, zoh khawhnak ding caah thla dolaar 10/20 tibantukin a lak hna. A tuahmi pawl cu thil thuam lo in thilri hmangin diriamnak tuahnak video tawi pawl khi an si.

A fans pawl hi kawlrammi nak in ramdang mi an tam deuh ti a si I, thlakhat ah a phaisa hmuhmi hi USD$ 20,000 in 30,000 kar hrawng a si ti  asi. Kumkhat chungah a hmuhmi hi a tlangpi in Dollar ting 2 leng (200,000) hrawng a si ti a si.