Democrats Thlithup Thil An Tuahmi Phozar Asi Cang

Democrats nih Athli Tein Donald Trump le White House Spy An Tuahnak Kong Vialte cu Special Counsel John Durham nih achim cang. Kan theih bantuk in 2016, thimnak kongah Donald Trump cu Russia he athli tein pehtlaihnak a tuah caah Hillary Clinton kha arak tei tiah an ti I, a kum kum bakin asualnak an rak kawl khah.

Trump sualnak an hmuh ti lo hnu ah a donghnak ah John Durham cu DOJ lutlai asimi Mr.Barr nih a rian a dinhtak lai te ah Special Counsel rian a rak khinh. Democrats nih Trump sualnak cu Durham nih a thur chuah than lai tiah an hngak peng. Nain atu cu John Durham nih fiang tein a langhtermi cu, 2016 in Democratic Party chung in White House le Donald Trump athli tein angiathlaitu/Spy an um tiah a chim.

Donald Trump nih White House office a thut chung vialte kha Democratic party nih athli tein ngiathlaitu an rak chiah cang tiah ati. Democrats thlithup an thil tuah mi cu Special Counsel John Durham nih a phuan piak dih cang hna. Democrats nih Donald Trump le White House ngiathlaitu ding ah Spy an thlah tiah alanghter mi ahcun Hillary Clinton nih thimnak Campaign a tuah khan asi cang tiah achim.

Mah cu cu Durham nih tha tein report a chuah pi cang. Hillary Clinton nih Durham report hi a dik lomi asi tiah a el colh ve. Amah lawng si loin White House spokesperson zong nih Durham cu asoisel colh ve.