D-Day Thanh Hnu In Chinram Rallokap Le Palek CDM Tuah Mi An Tam Ning Hi

NUG nih D-Day tiah thawng a thanh hnu zarhkhat chungah Chin ramkulh chung in rallokap le palik phu minung 100 hrawng nih CDM tuah in Chin mipi vengtu phu CDF sinah an i fonh tiah CDF in biachimnak nawl ngeitu Boris nih DVB ah a chim. Nawlngeihnak la tu ralhrang kuttang ah riantuan duh ti lo ruangah, Chin ram mipi vengtu phu CDF sin ah a fonhmi hna palik le rallokap leng ah Forest staff zong an i tel,

Cu hna cu an herhmi bawmhchanhnak pek in an humhimnak hmun ah chiah an si tiah a chim. Ralhrang phu kuttang hriamtlai phu in riantuan ti lo in CDF he hmunkhat ah fonh in, an nun humhimnak ding caah biakam piak le bawmhnak phaisa pek lengah zeidang bawmhchanhnak in an dawtnak kan cham hna lai tiah Boris nih a chim.

CDF sin ah a fonh mi hna cu zohkhenh le bawmhchanh an si caah, midang zong nih nan rak i fonhnak lai sawm nan si tiah a langhter. Ram pumpi huap in CDM tuahmi rallokap le palik 3500 leng an si cang cu hna cu CDM code number a chuah piak tu Pyi Tuh Yin Khun(ျပည္သူ႔ရင္ခြင္) phu nih an langhter.

DVB