CNDF Nih SAC Ralhrang Palik “Ral Hlei Thang” An Tlaih Nak A Ruang Cu

CNDF nih SAC Ralhrang Palik “Ral Hlei Thang” an Tlaih. CNDF nih Falam palik sakhaan ah rian a ttuanmi SAC ralhrang palik Ral Hlei Thang cu a nung in kan tlaih, tiah thawng an chuah. “CDM a tuahmi pawl konglam a hlat pin ah CNDF ralkap thazaang zeizah an um tubantuk hlathlainak a tuahtu a si caah kan tlaih,” tiah CNDF nih an langhter.

Aluancia September thla ah khan Falam peng zung kip rianttuantu pawl ralhrang dirkamh loin CDM tuah u tiah CNDF nih ca an rak chuah i, a zul lomi cu fak piin dantat nan si cang lai, tiah ralrin an rak pek bal hna. Tu lio kan doh thlen nak kong ruah cun ngeih bak hi achia ko. Hi tluk kawl ralkap nih kan inn le lo an duah duh poh in inn zuat satli hna an kan thah piak leng ah.

Duh poh in nu hna an tleihhrem rih hna.  Hi tluk an kan tuah to hnu ah, Laimi chung in dalaan kan um rih mi le kan tam ning ruah ah ngeih a chia ngaingai.  Nizan kalay PDF Medical Team kan far le an tleih mi hna zong kha dalaan bak a si tiah an chim. Cu hmanh ah cun laimi bak a hawi si rih cu mu. Nang mah pumpak mi phun caah rian na tuan khawh lo hmanh ah kawl ralhrang dalaan hi cu tuan bak hna hlah usihlaw .