Innchungkhar Ah a Biapi Bak Mi Cu Nu le Va Si Nak Hi a Si

cu a va kha a si;(I Kor.7:3) Innchungkhar ah a biapi bak mi cu nu le va si nak  hi a si nain,laimi mi tampi nih hi kong theihhngaNu le Va sinak kong ah Bible Text:Pa nih a nupi cungah a tuah awk a simi rian kha tlamtling tein tuah seh law nu zong nih a va cungah tuah ve seh; an herhnak ah khan an lung i riamhter ciocio hna seh. Nu hi amah pum bawi a si lo, a pum bawi lh nak ah kan chanbau hna. Laimi hi nu le va sinak  kong ah kan theihnak a tlawm i, ningzah thil ah a ruatmi kan tampi. Sihmanhseh law, a thli in kan i buaipi mi thil a si tung.

Sianginn ka kai lio ah ka hawinu he a innchungkhar kong bia kan i ruah i a ka chimh mi cu “nu le pa kan duh ning hi cu a rak i khat lo. Nu nih hin cun kan pasal le sin in dawtnak (yuhwah cinnahmuh) kan duh nain, pa nih hin cun dawtnak an langhter ning hi nu le va sinak in a si deuh tawn” a ti. Cu caah, kan theih a herh bak mi cu“pa nih hin nu nak in nu le va sinak an herh deuh i an hal deuh” ti hi a si i kan pasal le duhnak kha biapi i ruahpiak ve kha a si. Pa an kokek sining ah hin nu le va sinak lo cun dawtnak taktak timi hi an feel kho lo, ti si.

Pa nih a duh mi nu le va sinak kha tlamtling tein nu nih apek khawh lo caan a tam ah cun pa a ruahnak le a feeling zong hma a put ter i “ka nupi nih hin, a ka duh ti rua lo” timi feeling tiang a chuahter i lungdonghnak an ngei. Cu nih cun, thilsual tampi nu le va kar ah a chuah ter, ti a si. Nu nih kan theih awk cu, “Pa caah cun hi nu le va sinak hi taksa hiarnak sawhsawh lawng a si lo i a thinlung ruahnak (emotion le feeling) tianghe aa pehtlaimi thil a si,” ti hi si.

Laimi nu tampi cu fa tamdeuh vun ngeih hnu in cun nu le va sinak lei ah an lung um ti lo i, an thatho kho ti lo. A voitam tikah, pasal le cu an lung a zor i, an ingpuan le thintawi zong a fawi i thildang vialte zong kha a buai a fawi cang. Cucaah, nu nih kan pasal le kan dawttaktak hna ah cun a sinak te hi theihthiam piak i, kan pum zohkhenh i thlopbul zong hi kan rian nganpi a si ve. Cucaah, hi nu le va sinak hi innchungkhar ah tawh tlaitu bik a si ve caah, Nu zong nih nuva kongah hin ningzak thil lawngah ruat lo in a caan zong kan pek i,

Kan lung i luhter zong a hau, zeicaah tiah, kan chim cia bang, nuva sinak hi pasal le kan dawtnak hna he aa then kho mi thil an si lo piin ah an thinlung ruahnak cawlcanghning (emotion le feeling) tianghe aa pehtlai mi thil a si caah si. Nu nih“a pasal kha nu le va sinak diriam te le lungtho tein a pek tikah a pasal kha aa lawm i a nupi dawtnak kha tling tein hmuh tluk ah aa ruah. Acunglei thil pa (3) hna hi nu hna nih kan theih ngai ko tung hna nain biapi ah kan rak ruah tuk lo mi thil hna an rak si tawn.

Sihmanhseh law, nu le va karah dawtnak a karh i chungkharnuam sernak dingah Nu leikap in kan theih/tuah awk thil biapi hna an rak si. Cucaah, Biapi tuk i a ruah awk kan rak theih lem lo mi hna zong hi, kan pasal le kan dawtmi hna caah cun thil biapi an rak si kho ko ti hi thei in, hmailei ah ralring tein kar hlang in dawtnak biapi a chia i tuahsernak ah a langhter tu chungkhar nu/pa si i zuam hna u sih. Amen!