Fanule lawng hi pa pawl nih ningcang loin an tawnghtham hna nakhnga lo

Fanule lawng hi pa pawl nih ningcang loin an tawnghtham hna nakhnga lo i ralring dingin cawnpiak loin fapale hna zong hi ningcang loin nu tawngtham an hman hna nakhnga lo kan cawnpiak hna a herh. Nu nak hmanh in tam deuh le a hmasa ah kan cawnpiak hna a herh. Kan zuatmi ui nih ngakchia an seh tawn hna khi a ruang bik cu kan ui kha fim kan chimh lo ruang ah a si, anmah ngakchia palh a si lo.

Ngakchia hna kha zeitluk hmanh in i ralring ko hna sehlaw hren loin a tlongmi kan ui kha a fim lomi a si ahcun san a tlai ngaingai lo. Asinain fim kan chimh i a fimmi a si ahcun ngakchia hna caah a him i an i ralrin hmanh khi a hau ti lo. Mah bantuk in nu hna nih pa sinin tlaihhremnak maw asilole ningcang loin tawngthamnak le chawnhbiaknak an ton tawn hi a pakhatnak ah pa palh a si, a pahnihnak ah pa palh a si ṭhiam i a pathumnak zong ah pa palh a si.

Cucaah an ngakchiat tein fapale hna hi nu cungah ziaza ṭha le lungput ṭha a ngeimi an si i, nu hna kha upatṭihzanak he an komh hna nakhnga le nu caah ral an si hna nakhnga lo tampi in kan cawnpiak hna a herh. Cutin kan tuah cio a si ahcun kan fanule lila cio zong an him lai. Crd: Roro Fambawl…… Hihi laimi nih kan cham bau ngai tawn mi a si. Fapa le cu zuu ding hlah mu ti tiang lawng cawnpiak an si theu tawn. Laimi chung ah pazong nih nu ning cang lo a tuah mi aa tamtuk cang.