MNDAA Nih Ralhrang A Za Za In An Thahmi An Tam Kho Taktak

MNDAA Nih Ralhrang A Za Za In An Thahmi An Tam Kho Taktak. MNDAA cu Ko Kang miphun ralkap an si I ralkap thaznag 3000 hrawng a ngeimi an si. An nih hi Shan ramkulh chungah a um vemi miphun hmete pakhat an si. China hrin phun deuh an si I an holh zong hi China holh he aa khat nawnmi a si. Cutikah, anmah China miphun zong nih an tanpi ngaimi miphun an si. Hriamnam lei ah an thazang a thawng I raldoh lei ah experience tha tein a ngeimi an si.

2015 lio ah kawl ralkap 1000 leng nih vanlawng he an rak kah hna nain an rak hrawk kho dih hna lo. Ralkap lei tu minung 500 hrawng an rak thi. Anmah hi AA he hmunkhat ah a tang timi an si I, 2015 lio zongah cun AA nih a ralkap he biatak tein a rak bawmh ve tiah theih a si. Tutan ah ralkap nih uknak an lak tikah mipi lei ah a tang I ralkap a do pengmi group zong an si fawn.

Atulio hi biatak tein ralkap nih an kah cuahmah hna lio a si I nizan lawngah khan kawl ralkap nih hriamnam ngan in voi 900 leng an kan kah tiah an chim. Asinain, anmah MNDA lei cu minung 4 te lawng an thi I 2 hliamhma an tuar ve. Kawl ralkap lei kha minung 20 an thi I a dang zong tampi hliamhma an tuar fawn. Cun MNDAA nih ralkap hriamnam an lakmi hi zerhkhat chungah a man in tuak ahcun $ 1 million man hrawng a sic nag lai.

Nifatin ti awk in ralkap minung 20 hrawng cu an thi peng fawn. Atu bantuk I an I kahnak cu MNDAA nih an lakmi kha ralkap nih chuh an duh than caah a si tiah an chim. Tutan i an i cuhmi hmun hi China he business tuah tinak lampi a si i MNDAA nih a tuhi an control lio a si. Ralkap caah a biapimi hmun a si ve caah biatak tein cu ka hmun cu rolh an timh hna i um thiam loin le milu tampi dih in an va doh hna nak cu a si. Ref: Myanmar Now