Tuchun Yangon Ah PDF Nih Palek Bawi Pathum An Thah Hna Leng Ah

Tu chun ah Yangon ah HtanTaPin Palek cu PDF nih an kah ciamman hna i Palek bawi pakhat Aung Thu Lwin tel in Palek Pathum  bak an thi. hi thil hi tuchun ah acang mi thil a si. Hi palek a thi mi pathum hna Palek bawi Aung Thu Lwin le Palek Naing Naing Latt le Palek Lwin Moe Naing hna hi an si. A thih ning cu zohchia taktak bak in an thi.

An hmanthlak bel hi a zohchiat deuh ca le thi le hnai tamtuk ruang ah kan hun lakter lem lo. PDF lei nih an chim ning ah hi kan i kah lio ah hin khuaruah lo in ngakchia pakhat a rak luh ruang ah duhpoh in kan hriamnam kan hmang ngam lo. A ruang cu ngakchia pa kha kan khen sual lai ti kan phan ruang ah ralring deuh in kan hriamnam kan hman hi a si tiah an chim.

Ngaikchia pa kha rak luh hlah sehlaw pelek pawl hi ceilak te cu kan thah khawh hna hnga tiah PDF lei nih an chim.  Palek pathum a thi mi hna zong cu atu tiang hi an ruak zong an fim tawl hna lo. Sakhan lei tu ah an chiah chung hna tiah theih a si.  Kan miphun ralkap hna bawipa nih nikhat hnu nikhat teinak pe chin ko hna seh. Khit Chit Media