Tulio Chin Pasal hna nih MAH Ralhrang an dum ning hna hi, Joshua le a Ralkap hna nih Jericho an rak tuk lio

Tulio Chin Pasal hna nih MAH Ralhrang an dum ning hna hi, Joshua le a Ralkap hna nih Jericho an rak tuk lio bantuk ka lawhter ngai. A tuanbia hi zoh hmanh usihlaw! Joshua nih Canaan ram a rak tuklio ahhin a lak hmasabik khua cu, Jericho a si. Jericho khua hi anmah chan lio ahcun khua ngan pakhat, milu 3000 hrawng umnak a rak si i, pe 13 a sangmi lung in kulhmi Khua a si.

An va tuk hlan hrim ahhin Joshua le a Ralkap thawngpang/ konglam cu Jericho khuami nih an rak theih cia cang i, thingphang le tihnak/ fear he an rak khat cia kha, mingaitu 2 a thlahmi hna nih an va hmuh. Jericho cu nikhat voi 1 an hel i, ni 6 chung an hel. A ni 7nk ah an hel dih bak ah, an tlangbawi hna nih muko an tum i, Jericho vampam cu a cim i, Jericho Khuami dihlak cu Joshua le a Ralkap nih an thah dih hna.

Mingaitu a thlahmi hna a rak zohkhentu lawng an luat. Jericho a cimnak ahhin a biapi ngaimi biafang cu, “Fear/ ttihnak” hi a si. Cucu Jericho a sunghnak zong cu a si. Fiang deuh in langhter ahcun,Jericho khuami le an siangpahrang hna nihhin Joshua le a Ralkap bu, an Pathian kong hi an rak theih cia cang i, an rak “ttih/ fear” tuk cang pinah, zarh khat chung, nifatin Jericho khua an rak helmi nihhin Jericho Ralkap le Khuami vialte cu, kan thi viar cang ko lai tiah lungdernak le ttihnak he an rak zaw viar cang lai ti kha a fiang ngai. Cubantuk cun,

Tulio Falam le Hakha karlak ah aa tapmi ralhrang zong hi Tihnak/ Fear he an khat ko lai. Thantlang khua ah a ummi zong an chuak ngam lo. Hakha ah a ummi zong tihnak he an khat. CHIN pasal hna thawngpang le, ramkip in Chin Miphun vialte lungrualnak le, Pathian sinah kan Thlacamnak aww/ voice hi Ralhrang pawl hnakhaw ah a khat in a khat i, cu nihcun ttihnak in a khahter hna. Chin ram ah a ummi Ralhrang vialte thinlung ahhin “Kan tei kho hna lai lo, an kan thah viar ko lai” tbk thinlung he thinphang le ttihnak he Suimilam caan lawng rel hna sehlaw a dawh cang.

Joshuah le a Ralkap nih Jericho an hel ahhin Jericho Khuami nih a celh te an celh lo bantuk in, Chin pasal hna nih an pawngte an va phan i, Facebook le online in, or speaker in an au hnawhmi hna hi an caahcun, muko tum hnawh bantuk a si i lai i, an celh hrim lai lo. Cucaah, MAH ralhrang hi thinlung le thazaang cun, Chin pasal hna nih an tei cang hna. Anmah tein an vampang an paoh ding lawng a tang. An i surrender ding mi lawng a tang.Credit Za Sang Cinzah