CNA+CNDF+CDF nih Taal ah SAC Motor 9 Hrawh Than, a Dihlak 16 Hrawhpiak Cang

CNA+CNDF+CDF nih Taal ah SAC motor 9 hrawh than, a dihlak 16 hrawhpiak cang. Nizaan October 17 lio ah CNA+CNDF+CDF nih Falam Peng Taal khua pawng ah SAC motor 9 an hrawhpiak than hna i October 14 lio ah motor 7 an rak hrawhpiak mi hna he adihlak 16 an hrawhpiak cang hna, tiah kan theih.Bawpa nih kan ralkap pawl umpi in vi;veng ko hna seh.

Hi SAC ralkap pawl hi motor 60 hrawng he Falam in Hakha lei ah a kal mi an si i CNA+CNDF+CDF nih Taal khua pawng ah an erhtonh hna i Hakha lei zong lan kholo, Falam lei zong ah kir kholo in an hren hna, tiah kan theih. Hi Taal pawng kahdohnak ah SAC ralkap aa hliam mi le a thi mi an tam.Hi Taal pawng kahdohnak ah SAC ralkap aa hliam mi le a thi mi an tam cang nain phungluut in CNA+CNDF+CDF nih an thanh rih lo, tiah kan theih.

Thawngdang relchap>Sagaing Ramthen ah SAC ralkap nih khuami 7 leng an thah hna.October 17 lio Sagaing Ramthen, Sataung khua khua pawng ah Ko Zaw Htet Aung le Ko Zaw Myo Ko Ko hna cu PDF an si tiin an kahthah hna.

Cu bantuk thiamthiam in October 13 lio ah Chaung-U Peng Kinmondaw khua ah Ko Than Naing an thah i U Win Myint le Ko Wai Min Zin an hliamh hna.October 12 lio ah Shwebo Peng Nyaingkann khuami 2 an rak thah fawn hna, tiah kan theih. Khit Chit Media